Angen cymwysterau neu gefnogaeth ychwanegol i gymryd eich cam nesaf?
Os oes gennych chi swydd neu lwybr gyrfa penodol mewn golwg, bydd y llinyn hwn o Twf Swyddi Cymru+ yn eich helpu i wireddu hyn.
Gallwch ennill sgiliau newydd yn eich pwnc dewisol, a chymwysterau i'ch helpu i symud ymlaen i lefel uwch.
Byddwch hefyd yn cael profiad gwaith gyda chyflogwyr lleol. Efallai y byddwch hyd yn oed yn cael cyfweliad swydd go iawn ar ddiwedd eich profiad gwaith – a bydd y gefnogaeth a gewch drwy Twf Swyddi Cymru+ yn eich helpu i wneud argraff dda.
Beth sy'n digwydd ar linyn Hyrwyddo Twf Swyddi Cymru+?
Byddwch yn cytuno ar eich Cynllun Dysgu Unigol gyda'ch darparwr Twf Swyddi Cymru+ a fydd yn defnyddio hwn i drefnu gweithgareddau hyfforddi a datblygu sy'n benodol i chi.
Gallai gweithgareddau gynnwys y canlynol i gyd neu gyfuniad ohonynt:
- Cyfleoedd dysgu mewn canolfan gyda'ch darparwr Twf Swyddi Cymru+
- Treialon gwaith neu leoliadau gyda chyflogwr lleol
- Prosiectau cymunedol
- Gwaith gwirfoddol
Bydd eich cyfleoedd hyfforddi a phrofiad gwaith yn adlewyrchu'r hyn sydd o ddiddordeb i chi, a chewch gyfle i brofi amrywiaeth o weithgareddau sy'n adlewyrchu rolau swyddi gwirioneddol.
Bydd eich darparwr Twf Swyddi Cymru+ yn eich cefnogi i sicrhau eich bod yn derbyn yr holl gymorth sydd ei angen arnoch.
Faint fyddwch chi'n cael eich talu?
Ar y llinyn hwn o Twf Swyddi Cymru+ gallwch dderbyn lwfans hyfforddi o hyd at £55 yr wythnos.
Rhaid i chi fynychu am o leiaf 16 awr yr wythnos. Fodd bynnag, dim ond os byddwch chi'n mynychu am 30 awr neu fwy mewn unrhyw gyfnod o 7 diwrnod y telir y lwfans hyfforddi llawn o £55. Bydd swm y lwfans hyfforddi a gewch yn dibynnu ar nifer yr oriau rydych chi'n cymryd rhan.
Tra byddwch chi ar raglen Twf Swyddi Cymru+ byddwch chi hefyd yn cronni gwyliau blynyddol bob mis heb i hynny effeithio ar eich lwfans hyfforddi.
Cymorth ychwanegol
I'r rhai sydd ei angen, mae cymorth ariannol a phersonol ychwanegol ar gael i'ch helpu i gwblhau eich rhaglen Twf Swyddi Cymru+. Bydd meini prawf cymhwysedd yn berthnasol, a bydd ein cynghorwyr Cymru'n Gweithio yn trafod eich amgylchiadau pan fyddant yn asesu eich anghenion.
Mae gen i ddiddordeb yn Twf Swyddi Cymru a Mwy – Advancement. Beth sydd angen i mi ei wneud?
Mae angen i chi weld Cynghorydd Gyrfaoedd Gyrfa Cymru a fydd yn trafod eich syniadau gyrfa gyda chi ac yn eich cyfeirio at gynllun addas.
Os ydych chi'n dal yn yr ysgol – siaradwch â Chynghorydd Gyrfaoedd eich ysgol
